நாம் தமிழர் கட்சியின் கலை இலக்கியப் பண்பாட்டுப் பாசறை சார்பாக, தேசியத்தலைவர் என்னுயிர் அண்ணன் மேதகு வே.பிரபாகரன் அவர்களின் பிறந்தநாள் சிறப்புப் பாடல் காணொளிகளையும், தேர்தல் பரப்புரைப் பாடல் காணொளிகளையும், மொழிப்போர் ஈகியர் வரலாறு, மாவீரர்களின் வரலாறு உள்ளிட்ட ஆவணக் குறும்படங்களையும் கலை நேர்த்தியுடனும், உணர்வுப்பூர்வமாகவும் எழுதி-இயக்கிய அன்பிற்கினிய தம்பிகள் திரைப்பட இயக்குநர் ச.முரளிமனோகர் மற்றும் இசையமைப்பாளர் ச.பிரபாகரன் ஆகியோரின் உடன்பிறந்த தம்பி அன்பு இளவல் ச.மகேந்திர ராஜா (எ) ராஜா அவர்கள் மறைவெய்திய செய்தியறிந்து பேரதிர்ச்சியும், மிகுந்த மனவேதனையும் அடைந்தேன்.
தம்பி ராஜாவின் மறைவால் பெருந்துயருற்றுள்ள தம்பிகள் முரளி மனோகர் மற்றும் பிரபாகரன் ஆகியோர்க்கும், பெற்றோருக்கும், குடும்பத்தினருக்கும், உறவினர்களுக்கும், நண்பர்களுக்கும் என்னுடைய ஆறுதலைத் தெரிவித்து துயரில் பங்கெடுக்கின்றேன்.
அன்புத்தம்பி ச.மகேந்திர ராஜா அவர்களுக்கு என்னுடைய கண்ணீர் வணக்கம்!
