சென்னை, காட்டுப்பள்ளி துறைமுகத்தை விரிவாக்கம் செய்யும் அதானி நிறுவனத்தின் பணிகளுக்கு மத்திய அரசு ஒருபோதும் சுற்றுச்சூழல் அனுமதி வழங்கக்கூடாது. – சீமான் வலியுறுத்தல்

593

அறிக்கை: சூழலியலுக்குப் பேராபத்தை விளைவிக்கக்கூடிய வகையில் சென்னை, காட்டுப்பள்ளி துறைமுகத்தை விரிவாக்கம் செய்யும் அதானி நிறுவனத்தின் பணிகளுக்கு மத்திய அரசு ஒருபோதும் சுற்றுச்சூழல் அனுமதி வழங்கக்கூடாது. – சீமான் வலியுறுத்தல் | நாம் தமிழர் கட்சி

சென்னை, காட்டுப்பள்ளி துறைமுகத்தைத் தற்போதைய அளவான ஆண்டுக்கு 24.66 மில்லியன் டன்னில் இருந்து ஆண்டுக்கு 320 மில்லியன் டன்னாக விரிவாக்கம் செய்யும் அதானி நிறுவனத்தின் முன்னெடுப்புகள் பெரும் அதிர்ச்சியளிக்கிறது. இதற்கு மத்திய சுற்றுச்சூழல் அமைச்சகம் ஒருபோதும் அனுமதி வழங்கக்கூடாது என்பதே ஒட்டுமொத்தச் சூழலியாளர்களின்
கருத்தோட்டமாக உள்ளது.

எண்ணூர் கழிமுகத்துடன் சேர்த்து பக்கிங்காம் கால்வாய், கொற்றலை ஆற்றுப்பகுதி மற்றும் பழவேற்காடு நீரமைப்பு ஆகியவை அங்கு வாழும் மீனவர் சமுதாயங்களுக்கு மிகவும் முக்கியத்துவம் வாய்ந்தப் பகுதிகளாக உள்ளன; பல்லுயிர்ப்பெருக்கத்திற்கும் எண்ணூர் கழிமுகத்தின் பங்கு அளப்பரியது. சதுப்பு நிலக்காடுகள் மற்றும் அலையாத்திக் காடுகளைக் கொண்ட இந்தப் பகுதியானது மீன் வளங்களின் நிலையான மீளுருவாக்கத்தை உறுதிப்படுத்துவது மட்டுமல்லாமல், மழைப்பொழிவு, உயர் அலைகள் மற்றும் சூறாவளிக் காலங்களில் வெள்ளப்பெருக்கினைக் கட்டுப்படுத்தவும் உதவுகிறது. இத்தகைய சூழலியல் முக்கியத்துவம் பெற்ற எண்ணூர் கழிமுகமானது ஏற்கனவே அப்பகுதியில் இருக்கும் பல்வேறு தொழிற்சாலைகளாலும், அனல் மின் நிலையங்களாலும் பெரும் பாதிப்படைந்திருக்கிறது. காற்று மற்றும் நீர்நிலை மாசு நிறைந்திற்கும் இப்பகுதியில் துறைமுக விரிவாக்கம் என்பது அப்பகுதி மக்களின் வாழ்வாதாரத்தையும், இயற்கை சூழலையும் அடியோடு அழிப்பதற்குச் சமமாகும்.

அதானி துறைமுகங்களின் துணை நிறுவனமான மரைன் இன்ஃப்ராஸ்ட்ரக்சர் டெவலப்பர் பிரைவேட் லிமிடெட் (எம்.ஐ.டி.பி.எல்) என்ற நிறுவனத்தால் முன்மொழியப்பட்டுள்ள இந்தக் காட்டுப்பள்ளி துறைமுக விரிவாக்கத்திட்டம் செயல்படுத்துவதற்காகச் சொல்லப்படும் நன்மைகளைக் காட்டிலும், இதனால் ஏற்படும் ஈடுசெய்ய முடியாத அழிவுகளே அதிகம். இத்திட்டத்திற்குத் தேவைப்படும் 6,111 ஏக்கரில் ஏறக்குறைய 2,300 ஏக்கர் மக்கள் பயன்பாட்டிலும், வாழ்வாதாரத்திலும் முக்கியத்துவம் வாய்ந்த புறம்போக்கு நிலங்கள் அவைகள் கையகப்படுத்தப்பட உள்ளன. மேலும், 2000 ஏக்கர் அளவில் கடல் பரப்பை ஆக்கிரமிக்கும் வகையில், சுமார் 6 கி.மீ வரையிலான கடல் பகுதிகளில் மணல் கொட்டப்படவுள்ளது. இவ்வாறு கடற்பரப்பில் மணலைக் கொட்டி அதன் இயல்புத் தன்மையிலிருந்து மாற்றுவது திரும்பப்பெறவியலா சூழலியல் மாற்றங்களை ஏற்படுத்தும். நிலமீட்பிற்கான வேலையில் பாலாற்றிலிருந்தே பெரும்பாலான அளவு மணல் கொண்டு வரப்படும் என்று தெரிவிக்கப்பட்டுள்ளது. ஆகவே, ஏற்கனவே பாதிப்படைந்துள்ள பாலாற்றினை இத்திட்டம் மேலும் சீரழிக்கும்.

மேலும், இத்திட்டதின் மூலம் 2,000 ஏக்கர் அளவிலான பழவேற்காடு நீர்ப்பகுதிகளும், கொற்றலை ஆற்றின் உப்பங்கழிகளும் தொழிற்பூங்காக்களாக மாற்றப்பட உள்ளன. குறைந்தது, 6 முக்கியமான மீன்பிடித்தளங்கள் இத்துறைமுகத்தால் அழிக்கப்படும். மீனவர்களின் வாழ்வாதாரத்திற்கு மேலதிகமாக இறால்கள் மற்றும் நண்டுகளைக் கையால் எடுக்கும் பல்லாயிரம் மீனவர்களின் வாழ்வாதாரத்தை உப்பங்கழிகள் ஆதரிக்கின்றன. பண்ணை மற்றும் மேய்ச்சல் நிலங்களைக் கையகப்படுத்துவதன் மூலமும், அதன் தன்மைகளை மாற்றுவதன் மூலமும் இத்திட்டம் அப்பகுதியின் பண்ணை மற்றும் கால்நடைப்பொருளாதாரத்தைப் பாதிக்கும்.

துறைமுகத்தால் ஏற்படும் கடலரிப்பு அளவில் சிறிய காட்டுப்பள்ளி தீவை எளிதில் சுரண்டிவிடும். இது நடந்தால், பழவேற்காடு காயல் பகுதி இனி இருக்காது; ஏனெனில், அது வங்காள விரிகுடாவில் ஒன்றிணைந்துவிடும். இதனால், பழவேற்காடு பகுதியிலுள்ள ஆயிரக்கணக்கான குடும்பங்கள் வீடற்றவர்களாக மாற்றப்படுவார்கள். பழவேற்காட்டின் காயல் பகுதி, கொற்றலை ஆறு, எண்ணூர் கழிமுகம் ஆகியவையே சென்னையில் பெருமழைக்காலங்களில் வெள்ளத்தின் வடிகாலாக அமைகின்றன.

துறைமுகத்தை விரிவுப்படுத்துவதன் மூலம் ஏற்படும் கடல் அரிப்புகளால் இந்த இயற்கை வெள்ள வடிகால்களையும் இழப்பதால் மழைக்காலங்களில் சென்னையில் ஏற்படும் வெள்ளத்தின் அளவு வரும் காலங்களில் அதிகரிக்கும் அபாயம் உள்ளது. இப்பகுதிகளில் தற்போது அமைந்துள்ள துறைமுகங்களினால் ஏற்பட்ட கடல் அரிப்புகளே கடலோரக் கிராமங்களுக்குப் பெரும் சேதத்தை ஏற்படுத்தியுள்ள நிலையில், காட்டுப்பள்ளியில் இருபது மடங்கு அளவில் துறைமுக விரிவாக்கம் செய்யப்பட்டால் அதனால் ஏற்படும் அழிவை நினைத்துக்கூடப் பார்க்க முடியாது.

தமிழ்நாட்டின் முக்கியத் துறைமுகங்களான சென்னை துறைமுகம், காமராஜர் துறைமுகம், தூத்துக்குடி வ.உ.சி துறைமுகம் ஆகியவை இணைந்து 2019-20ல் 12.2 கோடி டன் சரக்குகளைக் கையாண்டுள்ளது. மொத்த சரக்கு கையாளுதல் திறன் ஆண்டுக்கு 27.4 கோடி டன். துறைமுகத்திறனில் 60 சதவீதத்துக்கும் அதிகமானவை செயலற்றவை மற்றும் பயன்படுத்தப்படாதவையாகவே உள்ளன. இத்தகைய சூழ்நிலையில் ஆண்டிற்கு 32 கோடி டன் சரக்குகள் கையாளும் விதத்தில் துறைமுகத்தை விரிவாக்கம் செய்ய அதானி குழுமம் கோருவது தேவையற்றது. இத்துறைமுகம் நிலைபெறுமானால் அதிகச் சரக்கு ஏற்றுமதி, இறக்குமதிக்காகவும் அதனை வகைசெய்யும் விதத்திலும் மீண்டும் எட்டு வழிச்சாலையை அமைக்கும் பணி கட்டாயமாக்கப்படும்.

5,000 பேருக்கு நேரடியாகவும், மறைமுகமாகவும் வேலைவாய்ப்பினை இத்துறைமுக விரிவாக்கம் ஏற்படுத்துவதாகச் சொல்லப்படுகிறது. ஆனால், அப்பகுதியின் சூழலுக்கு ஏற்ப மக்கள் தங்கள் தொழில்களைச் செய்து வருகின்றனர். மேலும், அப்பகுதி இருளர் உள்ளிட்டப் பல பழங்குடி சமூகங்களின் வாழ்விடமாகவும் உள்ளது. ஏற்கனவே, மக்கள் வழமையாகப் பின்பற்றிவரும் தொழிற்முறைகளிலிருந்து வெளியேற்றிவிட்டுக் கட்டுமானப்பணிகளில் தற்காலிக வேலை வழங்குவது ஏற்புடையதல்ல. கடலோர ஒழுங்குமுறை மண்டலம் (CRZ) அறிவிப்பின்படி, உயர்மட்ட கடல் அரிப்புகளைக் கொண்ட கடற்கரைகளில் துறைமுகங்கள் இருக்க முடியாது. காட்டுப்பள்ளிக் கடற்கரையோ வேகமாக அரிக்கப்படும் ஒன்று. மேலும், 10 கிமீக்குள் வனவிலங்கு சரணாலயம் இருக்கும்பட்சத்தில் துறைமுகங்கள் அனுமதிக்கப்படுவதில்லை. ஆனால், அதானியின் துறைமுகம் பழவேற்காடு பறவைகள் சரணாலயத்திற்கு மிக அருகில் இருப்பது குறிப்பிடத்தக்கது.
இதுமட்டுமின்றி, விசத்தாக்கம் ஏற்படக்கூடிய வட்டத்தில் காட்டுப்பள்ளி கிராமம், காட்டுப்பள்ளி காலனி ஆகியவை உள்ளன. எதிர்பாரா இயற்கைச்சீற்றங்கள் மூலமோ, கவனக்குறைவின் மூலமோ எதிர்காலத்தில் விபத்து ஏற்படுமாயின் இப்பகுதி முழுவதும் அழிந்துவிடும். குறிப்பாக, மக்கள் வாழும் பகுதியில் இதனை அமைப்பது பெரும் கண்டனத்திற்குரியது.

இதற்கிடையில் இத்திட்டத்திற்கான மக்கள் கருத்துக்கேட்பு கூட்டம் வரும் 22.01.21 அன்று காலை 11 மணியளவில் மீஞ்சூர் பகுதியிலுள்ள சந்திரபிரபு ஜெயின் கல்லூரியிலுள்ள பகவன் மகாவீர் ஆடிட்டோரியத்தில் நடத்தப்படுமெனத் தெரிவிக்கப்பட்டுள்ளது. இத்திட்டம் குறித்து மக்கள் முழுமையாக அறிந்து கொள்வதற்குப் போதுமான கால அவகாசம் வழங்கப்படாததும், கொரோனா பேரிடர் காலத்தில் மக்கள் அதிகளவுகூட இயலாத சூழலில் இத்தகைய கருத்துக்கேட்புக் கூட்டத்தை நடத்தத் திட்டமிருப்பதும் சந்தேகத்தை எழுப்புகிறது.

இந்த மக்கள் கருத்துக் கேட்பானது வாயலூர், காட்டூர், எப்ரகாமபுரம், புழுதிவாக்கத்தில் அமைக்கப்படவுள்ள தொழிற்சாலை வளாகத்துக்கானது போலக் கட்டமைக்கப்பட்டாலும் உண்மையில் களஞ்சி மற்றும் காட்டுப்பள்ளியில் வரவிருக்கின்ற துறைமுகம் மற்றும் துறைமுக வளாகம் ஆகியவை பற்றிய கருத்துக்கேட்பே நடக்கிறது. திட்ட இடத்திலிருந்தும், பாதிக்கப்படவிருக்கும் மக்கள் வாழும் இடத்திலிருந்தும், மக்கள் கருத்துக்கேட்பு நடக்கும் இடமானது 20 கிமீ தொலைவில் உள்ளது. ஆனால், சுற்றுச்சூழல் தாக்க மதிப்பீட்டு அறிவிக்கை 2006ன் பிற்சேர்க்கை IV, முதல் பிரிவின்படி பொது மக்கள் கருத்துக்கேட்பு திட்டம் அமையுமிடத்தில், அல்லது அதற்கு மிக நெருக்கமான இடத்தில் நடைபெற வேண்டும் என்று தெளிவாக வகுத்துரைக்கிறது. எனவே, மக்கள் தங்கள் வேலைகளை விட்டுவிட்டு அதிகத் தூரம் பயணித்து வந்து தங்கள் கருத்துக்களை முன்வைப்பதில் சிரமம் உள்ளது. இதனால், பலரது கருத்துக்கள் கேட்காமல் போக வாய்ப்பிருப்பது மட்டுமின்றி, பொது மக்கள் கருத்துக்கேட்பின் நோக்கத்தையே முறியடித்துவிடுகிறது. பாதிக்கப்படும் மக்கள் வராத பட்சத்தில் தொழிற்சாலையின் சார்பில் ஆட்கள் வரவழைக்கப்பட்டு மக்களின் கருத்துக்கு மாறான கருத்துக்களைப் பதிய வைக்கும் அபாயமும் இருக்கிறது. எனவே, மக்களின் கருத்துகளைச் சரியான முறையில் கேட்கும் விதத்தில், கருத்துக்கேட்புக்கான இடத்தை காட்டுப்பள்ளிக்கு மாற்றி, கொரோனா நோய் தடுப்பு விதிகள் பின்பற்றுவதற்கான அனைத்து வசதிகளையும் மக்களுக்கு ஏற்படுத்தித் தரவேண்டும் எனக் கோருகிறேன்.

பொன்னேரி, திருவொற்றியூர், மாதவரம் மற்றும் கும்மிடிப்பூண்டி ஆகிய தொகுதிகளில் இருக்கும் நாம் தமிழர் உறவுகள் வரும் சனவரி 22ஆம் தேதியன்று நடைபெறும் கருத்துக்கேட்புக் கூட்டத்தில் தவறாமல் பங்குபெற்று, இத்திட்டத்தினால் ஏற்படும் கொடிய விளைவுகளை எடுத்துக்கூறி தங்கள் கருத்துக்களைப் பதிய வைப்பார்கள். இத்தோடு, பொது மக்களும் பெருமளவு பங்கேற்று கருத்துகளைப் பதியச் செய்ய வேண்டுமெனக் கேட்டுக்கொள்கிறேன்.

ஆகவே, சூழலியல் செயல்பாட்டாளர்கள், அரசியல் இயக்கங்கள், சூழலியல் அமைப்புகள் மற்றும் பொது மக்கள் ஆகியோரது கருத்துக்களுக்கும், உணர்வுகளுக்கும் மதிப்பளித்து, சுற்றுச்சூழலுக்குப் பேராபத்தாக விளங்கக்கூடிய அதானியின் துறைமுக விரிவாக்கத்திற்கான அனுமதியை மத்திய சுற்றுசூழல் அமைச்சகம் வழங்கக்கூடாதெனவும், சூழலியல் முக்கியத்துவம் வாய்ந்த எண்ணூர் கழிமுகத்தில் இனி மாசு ஏற்படுத்தும் தொழிற்சாலைகளும், திட்டங்களும் வராதபடி தடை பிறப்பிக்க வேண்டுமெனவும் மத்திய அரசை நாம் தமிழர் கட்சி சார்பாக வலியுறுத்துகிறேன்.

செந்தமிழன் சீமான்
தலைமை ஒருங்கிணைப்பாளர்
நாம் தமிழர் கட்சி

People Should Speak Out against the Adani’s Proposed Expansion of Chennai–Kattupalli Port Project to Save Pulicat!

Adani’s move to expand Chennai–Kattupalli port from the current size of 24.66 million tonnes per annum to 320 million tonnes per annum has received worldwide dissent by environmentalists, researchers, and also the people residing in the area of the proposed project. They say that the Centre should scrap this project and should not set up any project activity in this region in the future as well.

Along with Ennore Estuary, the Buckingham Canal, the Kotralaiyar, and the Pulicat Lagoon are some of the most important areas for the fishing communities living in the zone. The role of the Ennore Estuary is also significant for biodiversity. This region of swamps and mangrove forests not only ensures sustainable regeneration of fishing resources but also helps control flooding during rainfall, high tides, and cyclones. The Ennore Estuary, which is of ecological importance, has been severely affected by various factories and thermal power plants already present in the area and port expansion in such an ecosystem, rich in air and water pollution is tantamount to completely destroying the livelihoods of the people and the natural environment of that area.

The Chennai–Kattupalli Port expansion was proposed by Marine Infrastructure Developer Pvt. Ltd. (MIDPL), a sister concern of Adani Ports and Special Economic Zone Ltd. The irreparable devastation that would be caused by this proposed project outweighs its benefits. Out of the 6111 acres required for this project, 2300 acres are poramboke that are important for usage and the livelihood of the people. In addition, the proposed project aims at dumping sand over an area of about 6 km, covering a total area of 2000 acres. This will cause irreversible ecological changes to the natural state of the ocean. It has been reported that most of the sand will be brought in from the Palar river during land reclamation work. Therefore, the project will further degrade the Palar river that has already been affected to a huge extent.

Also, 2000 acres of Pulicat lagoon area and Kotralaiyar backwater areas are to be converted into industrial parks under this project. At least 6 important fishing grounds will be destroyed by the port along with the livelihood of the fisherfolks living around. Shrimp and crab available in the backwaters support the lives of tens of thousands of fisherfolks. The project will also affect farm and livestock economy in the area by acquiring and altering the properties of farm and grazing lands. The backwaters of the Pulicat, the Kotralaiyar, and the Ennore Estuary are the main sources of flood water drains for Chennai during heavy rainfall. Kattupalli island is highly prone to coastal erosion caused by any permanent construction like a harbour and if this project is approved, the Pulicat lagoon will no longer exist as it will merge with the Bay of Bengal. As a result, thousands of families in the Pulicat lagoon area will be rendered homeless. Loss of these natural flood drains due to coastal erosion will be caused by expansion of the port and there will arise a risk of flooding in Chennai during the monsoon season. While coastal erosion caused by ports currently located in these areas has already caused great damage to the coastal villages, the devastation that would result from a twenty-fold expansion of the port would be unimaginable.

The major ports of Tamilnadu such as Chennai Port, Kamarajar Port, and Thoothukudi V.O.C. Port have handled 12.2 crore tonnes of cargo between 2019 and 2020. Their total cargo handling capacity is 27.4 crore tonnes per annum and more than 60% of port capacity remains dormant and unused. In such a scenario, it becomes unnecessary for the Adani Group to seek expansion of the port to handle an additional 32 crore tonnes of cargo per annum. If this project is executed, there will mandatorily be an eight-lane expressway project to facilitate higher cargo exports and imports.

Native people always live intertwined with Nature. The proposed area for the expansion is also home to many tribal communities including the Irulas. It is not appropriate or healthy to make a native community drop their age-old self-reliant and sustainable occupational traditions for temporary and inconsistent job opportunities. According to the Coastal Regulatory Zone (CRZ) laws, there can be no ports on beaches with high coastal erosion and ports should not be allowed if there is a wildlife sanctuary within a 10-km radius. The Adani port is very close to the Pulicat Bird Sanctuary. The expansion is said to create direct and indirect employment for 5000 people. The Kattupalli beach is one that is eroding at a faster rate as a result of which the Kattupalli village and the Kattupalli colony are in danger zone. The whole area will be devastated in the event of an accident in the future due to unforeseen natural disasters or carelessness. In particular, setting the project up in a populated area is highly condemnable.

Meanwhile, it has been announced that the public consultation meeting for this project will be held on 22.01.2021 at 11 am at Bhagavan Mahaveer Auditorium at Chandraprabhu Jain College in Minjur. It is doubtful as to whether there will be enough time given to the people to fully understand the project and whether such a public meeting has been planned to be held in an environment where people cannot attend the meeting in full swing due to the COVID-19 crisis. Though the purpose of consultation is planned in the name of setting up an industrial corridor in Vayalur, Kattur, Ebragamapuram, Puzhuthivakkam, the consultation is actually for the construction and expansion of Kalanchi and Kattupalli Port. The location of this consultation is about 20 km from the project site and affected area. The Environmental Impact Assessment (EIA) Notification, 2006, Appendix IV, First Section, clearly states that any public hearing for a developmental project must be held at or near the site of the proposed project activity as it would be difficult for people to lose a day’s wage and travel long distances to register their views. Therefore, it is not only likely to go unheeded by many but also undermines the very purpose of a public consultation. If people do not attend this consultation meeting, there is a risk that workers from nearby factories might be orchestrated to register opinions in favour of the proposed project mimicking as the voice of people in concern. Hence, I demand that the place of public hearing be shifted to Kattupalli and that all facilities should be made available to the people to follow the guidelines to prevent COVID-19 spread.

I also request the Naam Tamilar Katchi’s Cadres in Ponneri, Tiruvottiyur, Madhavaram, and Gummidipoondi constituencies to attend the consultation meeting on the 22nd of January and register their views on the dire consequences of this proposed project. In addition, I also urge the general public to participate and register their views.

We respect the views and sentiments of environmental activists, political organizations, environmental NGOs, and the public and request that the Centre should scrap the proposed expansion of Chennai–Kattupalli port project, which would be devastating to the natural ecosystem, and I insist, on behalf of the Naam Tamilar Katchi that MoEFCC should issue an order declaring a ban on setting up of any polluting factories or any project activity in the future at the Ennore Estuary.