மனித கழிவை மனிதர் அகற்றும் இழிநிலை மாற்றப்படும் : மத்திய சமுக நீதித்துறை அமைச்சகம்

வரும் டிசம்பர் மாதத்திற்குள் மனிதர் கழிவை மனிதரே அகற்றும் அவலம் முற்றிலுமாக ஒழிக்கப்பட்டுவிடும்  என்று மத்திய சமூக நீதித்துறை இணை அமைச்சர் டி. நெப்போலியன் தெரிவித்துள்ளார்.

நேற்று மாநிலங்களவையில் கேள்வி ஒன்றுக்கு எழுத்துமூலம் பதுலளித்த அவர் இந்தத் தகவலை தெரிவித்தார். தற்போது மனிதக் கழிவை மனிதர் அகற்றும் அவலப் பணியில் 1 லட்சத்து 18 ஆயிரம் பேர் 18 மாநிலங்களில் ஈடுபட்டு வருவது கண்டறியப்பட்டுள்ளது. அவர்களுக்கும் அவர்களது குடும்பத்தினருக்கும் மத்திய அரசின் திட்டங்கள் மூலமாக மறுவாழ்வு நிவாரண உதவிகள் அளிக்கப்படும் என்று தெரிவித்துள்ளார்.

 
மத்திய அரசின் சுய வேலைவாய்ப்பு திட்டத்தின் கீழ் அவர்களுக்கு வங்கிக் கடன் கிடைக்க நடவடிகை எடுக்கப்படும் என்றும் . மாற்றுத் தொழில் தொடங்க விருப்பம் தெரிவித்துள்ளவர்களுக்காக கடன் வழங்கப்பட்டுள்ளது. ஆனால் மனிதக் கழிவை அகற்றும் முறையை கைவிட விருப்பம் உள்ளவர்களுக்கு  வழங்கப்படும் கடன் முறையாக அவர்களுக்கு பயனடைகிறார்களா  என்பதை  கண்காணிக்கவேண்டும்  என்று  மாநில அரசுகளையும்  மற்றும் யூனியம் பிரதேசங்களையும்  கேட்டுக்கொள்ளப்பட்டது
. 
உத்தரப் பிரதேசம், பிகார், உத்தரகண்ட் ஆகிய மாநிலங்களில்தான் தற்போது உலர் கழிவறைகள் உள்ளன.மனிதக் கழிவை மனிதர் அகற்றும் முறை இந்த மாநிலங்களில்தான் தொடர்ந்து அமலில் உள்ளது. இங்குள்ள உலர் கழிவறைகளை நவீன கழிவறைகளாக மாற்றுவதற்கு தேவையான நடவடிக்கைகள்  எடுக்கப்பட்டு வருகிறது. என்றும் வருகிற டிசம்பருக்குள் உலர் கழிப்பறைகள் அனைத்தும்  நவீன கழிப்பறைகளாக மாற்றப்படும என்று தெரிவித்துள்ளார்.